Nadakpan sa mga operatiba sa Criminal Investigation and Detection Group (CIDG) Mandaue City Field Unit, kauban ang CIDG Regional Field Unit 7, Bureau of Immigration – Fugitive Search Unit (BI-FSU), ug Naval Intelligence and Security Group–Central (NISG-Central) ang tulo ka Koreano nga lalaki nga wanted sa ilang nasud tungod sa dako’ng kaso sa pagpanglimbong (large-scale fraud).
Ang operasyon gihimo niadtong Oktubre 16, 2025, alas 5:25 sa hapon sa Pardo Hills, Barangay Pardo, Cebu City, pinasikad sa INTERPOL Red Notice. Ang mga nadakpan mao sila Kim (43 anyos), Jung (44 anyos), ug Yousung (44 anyos) — nga giingong mga sakop sa usa ka sindikato sa pagpanglimbong sa South Korea.
Base sa imbestigasyon, gikan Setyembre 2022 hangtod Pebrero 2024, naghimo ang grupo og peke nga loan documents aron makapalit og mga daan o guba na nga sakyanan. Gigamit nila ang mga numero sa plaka sa mga nagdagan pa nga sakyanan aron makakuha og peke nga vehicle performance report. Pinaagi niini, nakakuha sila og car loans sa 10 ka kompanya sa financing sa 166 ka higayon, nga nagkantidad og ₩5.9 bilyon o minilyon nga piso ang ilang nalimbong.
Gipasidunggan ni PMGEN Robert AA Morico II, Acting Director sa CIDG, ang grupo sa ilang kalampusan.
“I commend PLTCOL Angelo B Nicolas, Regional Chief of CIDG Regional Field Unit 7; the CIDG Mandaue City Field Unit led by its Provincial Officer, PCPT Melvin S Mangahas; and the joint operating units for their unyielding efforts in capturing the three foreign fugitives. With their arrest, we helped the South Korean government in prosecuting the case and eventual service of justice to the victims. Maraming salamat sa inyo,” segon ni PMGEN Morico II.
Dugang pa niya, magpadayon ang CIDG sa hugot nga pagpangdakop sa mga wanted persons — lokal man o langyaw ug sa pagpatuman sa balaod sa tibuok nasud.
Source: CIDG
I via Renante Socia Lada