Gumikan sa ka importanti sa kumunikasyon ug tubig mainom ang kagamhanan sa siyudad sa Mandaue ni apod- apod og Base Radio Antennas ug mobile Water Filtration sa 27 ka mga barangay.
Usa kini ka pagpangandam kung adunay mga kalamidad nga muigo sa siyudad.
Gitunguha ni Mandaue City Mayor Jonas Cortes uban sa mga opisyalis na aduna gyuy kagamitan labi na sa kumunikasyon aron dali ang pag respondi sa matag emerhensya.
Ang Mobile Water Filtration usab makataban kung mag nihit ang tubig mainom sa matag barangay.
Mensahi ni Cortes ngadto sa mga Barangay Kapitan na ipabilin ang ka alerto ug pagpangandam sa dili matag-an na katalagman.
Gikalipay usab kini pag ayo sa 27 ka mga kapitan sa barangay kay aduna na silay igong kahimanan sa matag emerhensya. (Renante Lada, photo courtesy of Mandaue City PIO)