Nanumpa atubangan ni Mandaue City Mayor Jonas Cortes ang 25 ka mga bag-ong sakop sa Mandaue Chamber of Commerce and Industry (MCCI), kagahapon, Agosto 8, 2023.
Nipasalig ang grupo sa mga negosyanti sa dakbayan sa Mandaue nga ilang suportahan ang padayon nga pagpalambo sa negosyo sa siyudad sa Mandaue.
Gikalipay pag ayo ni Cortes ang dakong natabang sa mga negosyanti sa kalambuan sa ekonomiya labi na sa sunod-sunod na hagit nga giatubang sama sa pandemiya, kalaminad ug uban pa.
Mapasaligon ang mga negosyanti na ilang tumanon ang ilang mga responsibilidad labi na pag protehir sa kalikupan ug sa konstitusyon.
Gibutyag sa mayor na ang sekreto sa kalambua-an sa kumunidad mao ang pagtinabangay ug kahiusahan sa matag sektor.
Photo: Mandaue PIO
via Renante Lada
