Gidakop sa Police Regional Office 7 (PRO7) ang 240 ka indibidwal ug nasakmit ang kapin ₱63,000.00 nga kantidad sa salapi nga gigamit pagpusta atol sa 193 ka operasyon batok sa iligal nga sugal nga gipahigayon sa Central Visayas gikan Hunyo 13 hangtod Hulyo 17, 2025.
Kini nga hugot nga kampanya nagpamatuod sa walay puas nga paningkamot sa PRO7 sa pakugbatok sa mga iligal nga kalihokan nga nagdala ug kadaot sa komunidad ug kasagarang konektado sa mas seryosong krimen sama sa panikas, korapsyon, ug kalambigitan sa iligal nga drogas. Usa kini ka hugpong nga lakang sa nasudnong mando sa PNP nga limpyuhan ang tanang porma sa iligal nga kalihokan.
Gidayeg ni PBGEN Redrico A. Maranan, Regional Director sa PRO7, ang tanang operatiba nga niapil sa maong operasyon ug misang-at og kusog nga pahimangno sa mga nalambigit sa iligal nga sugal.
“There is no place for illegal gambling in Central Visayas. Those who persist in these unlawful activities should take this as a clear warning. PRO7 is relentless in its operations, and we will not hesitate to bring perpetrators to justice. Illegal gambling not only erodes moral values but also fuels other forms of criminality,” matod ni PBGen. Maranan.
Nangayo usab si PBGEN Maranan og tabang gikan sa publiko nga motaho dayon sa kapulisan kon adunay iligal nga sugal sa ilang lugar. Gipahimug-atan niya nga ang lig-on nga kooperasyon tali sa katawhan ug kapulisan maoy yawi aron mapadayon ang kalinaw ug kahapsay sa tibuok rehiyon.
Source: PRO7
I via Renante Socia Lada
#rpndykccebu
#675hzamband
#tandemexpress