Kapin sa ₱5.7 milyon nga kantidad sa giingong shabu ang nasakmit sa mga otoridad atol sa usa ka buy-bust operation sa Sitio Kamanggahan, Barangay Labogon, Mandaue City niadtong Hulyo 23, 2025.
Sa alas 9:35 sa gabii, gipahigayon sa mga sakop sa Police Station 3 sa Mandaue City Police Office (MCPO) ang operasyon batok sa iligal nga drogas nga mitultol sa pagdakop sa usa ka 19-anyos nga lalaki nga residente sa maong barangay. Narekober sa operasyon ang daghang pakete sa gituohang shabu ug mga drug paraphernalia.
Ang nadakpan nga drogas mitimbang og gibana-banang 850 gramos, nga adunay kantidad nga ₱5,780,000.00 sumala sa standard drug price. Gipasaka kini ngadto sa Regional Forensic Unit 7 aron ipailawom sa laboratory examination.
Ang suspetsado kasamtangang na tanggong sa Police Station 3 samtang giandam ang mga dokumento alang sa pagsang-at og kaso ilawom sa Republic Act No. 9165 o Comprehensive Dangerous Drugs Act of 2002. Kini nga balaod nagasilot sa pagpamaligya, pagpanag-iya, paghimo, ug pagbaligya sa ilegal nga droga.
“This accomplishment reflects our unwavering commitment to rid our communities of illegal drugs. We will continue to pursue and hold accountable those who profit from the destruction of lives,” matod ni PBGen. Redrico Maranan, PRO7, Regional Director.
Source: Redrico Maranan
I via Renante Socia Lada
#rpndykccebu
#675hzamband
#tandemexpress