Mas sayon na karon makadawat og espesyal nga serbisyong medikal ang mga residente sa Camotes Islands human madugangan sa 20 ka doktor ang Ricardo L. Maningo Memorial Hospital sa San Francisco, Camotes.
Sumala sa Provincial Health Office, apil sa mga doktor ang mga espesyalista ug resident doctors, nga makatabang aron dili na kinahanglan mobiyahe pa sa mainland Cebu ang daghang pasyente alang sa espesyal nga pagtambal.
Matud sa Kapitolyo, kabahin kini sa paningkamot sa administrasyon ni Gobernador Pamela Baricuatro sa pagpalig-on sa serbisyo sa panglawas sa lalawigan.
Sa pagdugang sa mga doktor giplano usab ang dugang nga pagpaayo sa ospital aron mas daghan pa ang maserbisyohan sa medikal nga aspeto sa mga taga-Camotes.
I via Renante Socia Lada