Cebu City – Miabot ug 14 ka mga kandidato sa Probinsya sa Sugbo.
Basi sa unofficial tally sa Commission on Elections (Comelec) sa Sugbo, lima ka magpapili nga mayor ug siyam ka kandidato sa pagka bise mayor ang modagan nga way kontra.
Kasagaran sa maong mga kandidato gikan sa ruling One Cebu party sa mga Garcia.
Ang mga unopposed nga mga kandidato sa pagka mayor sila si Joie Genesse Derama sa Boljoon (One Cebu), Ace Stephan Binghay sa Balamban (One Cebu), Democrito Diamante (Independent), Roy Vincent Singco sa Ginatilan ( One Cebu), ug Terence Mariano Blanco sa Ronda (One Cebu-Nationalist People’s Coalition.
Samtang midagan nga way kaatbang sa pagka bise mayor sila si Juan AlfonsAlfonso Lim sa Medellin (One Cebu) Rocky Gabatan sa Ronda (One-Ceu-Nationalist People’s Coalition), Mariano Laude sa Sibonga (Nacionalista Party), Danilo Diamante sa Tuburan (Independent), Neil Tracy Plando sa Alcoy (One Cebu), Raisa Moreno sa Aloguinsan (One Cebu), Alex Binghay II sa Balamban (One Cebu) Ervin Villanueva sa Boljoon (One Cebu), ug William Lagahid (One Cebu-PDP-Laban).
Ubos sa Comelec rules, nagkinahanglan lang ug usa ka boto ang unopposed candidate aron makadaug.
Sa pagka kongresista sa Sugbo, dunay tulo ka mga kandidato nga walay mi-atbang-sila si incumbent Rep. Peter John Calderon (ika pitong distrito), Rep Emmarie ‘Lolypop’ Ouano-Dizon (ika-unom nga distrito), kinsa magpapili sa Lone District sa Syudad sa Mandaue, ug Talisay City Mayor Samsam Gullas nga midaga sa pag Kongresista sa unang distrito.
Natapos niadtong Oktubre 8, ang week-long filing sa Certificate of Candidacy alang sa Mayo 2022 National ug Local elections
Gitakdang mo publikar ang Comelec sa official list sa mga kandidato sa umaabot Nobyembre 15.
(News & photo courtesy of Comelec Cebu Province)