Ang Police Regional Office 7 (PRO7) sa Central Visayas nagpalig-on sa ilang kampanya batok sa iligal nga sugal aron mapakunhod ang maong kalihokan sa rehiyon.
Base sa pinakabag-ong report sa PRO7, dako ang ilang nakab-ot nga kalampusan sa ilang mga operasyon, ilabi na sa pagdakop sa mga nalambigit sa sugal.
Matod ni PRO7 Regional Director, PBGen Redrico Maranan, ang pagpakgang sa iligal nga sugal mahinungdanon aron malikayan ang krimen ug uban pang sosyal nga problema nga may kalambigitan niini, nga makatabang usab sa kahapsay ug kalinaw sa Rehiyon 7.
Ang ilang kampanya naglakip sa mas hugot nga pagmonitor, undercover operations, ug panag-alayon sa mga komunidad aron matumbok ug mapahunong ang mga iligal nga sugalan.
Gikan Enero 1 hangtod 31, 2025, ang PRO7 nakahimo og 584 ka operasyon batok sa iligal nga sugal, diin 1,025 ka indibidwal ang nadakpan, lakip na ang mga sugarol, usher, ug mga tigkolekta. Dugang pa, kapin sa ₱125,000 ang nakumpiskar nga pusta sa sugal.
Lakip sa mga iligal nga sugal nga ilang nadiskubre sa operasyon mao ang hantak, mga baraha, number games, mahjong, ug sabong.
“With community support and coordination with various law enforcement agencies, we are implementing effective measures to address these unlawful activities. Our commitment is to foster a community prioritizing safety, enabling individuals and families to live peacefully, free from the disturbances caused by illegal gambling,” matod pa ni PBGen. Maranan.
Source: PRO7-PIO
I via Renante Socia Lada
#rpndykccebu
#675hzamband
#mrpublicservice