Padayon ang Cebu Police Provincial Office (CPPO) sa lig-on nga kampanya batok sa iligal nga drogas human makatala og 1,740 ka operasyon gikan Enero 1 hangtod Oktubre 12, 2025. Sa maong mga operasyon, 2,485 ka suspek ang nasikop ug nakumpiskar ang 14,060.46 gramos nga shabu nga adunay kantidad nga ₱95,611,094.00.
Dugang usab nga nasait ang 311 gramos nga uga nga dahon sa marijuana nga nagkantidad og ₱37,320.00, ug 1,061 ka dahon sa marijuana nga mokantidad og ₱212,200.00.
Sumala ni PCOL Abubakar Udang Mangelen Jr., Provincial Director sa CPPO, kini nga mga kalampusan nagpakita sa ilang tinuoray nga determinasyon nga pahunongon ang iligal nga drogas ug maprotektahan ang matag pamilya sa Sugbo gikan sa kadaot niini.
Ang maong kalampusan nagpakita sa tinuod nga buhat sa gisunod nga tinguha ni PBGEN Redrico A. Maranan, Regional Director sa PRO7, nga mao ang “Makabagong Pulis sa Makabagong Panahon: Respetado ang Mamamayan, Disiplinado ang Kapulisan.”
Sa laing bahin, Cebu Gobernor Pamela S. Baricuatro mipahimangno sa mga nalambigit sa krimen: “I’m sick and tired of illegal activities ruining our province. If you’re involved in drugs, corruption, child porn, human trafficking, illegal gambling, illegal quarrying & sand mining etc. – PAMINAW MO: My police are watching you.”
Kini nga klarong mensahe ug padayong operasyon sa CPPO nagpamatuod nga walay lugar sa Sugbo ang mga nagguba sa kalinaw ug kahapsay.
Source: CPPO
I via Renante Socia Lada