Nasikop sa operasyon sa kapulisan ang duha ka tawo nga giilang mga high-value target sa rehiyon atol sa usa ka buy-bust operation nga nahitabo alas 12:29 sa kadlawon karong Agosto 1, 2025 sa Mantawi Drive, NRA, Barangay Subangdaku, Mandaue City.
Ang mga suspetsado giila nga si alyas “Siwsiw”, 54 anyos, ulitawo, lumad sa Negros Occidental ug temporaryong nagpuyo sa Tungkil, Minglanilla, Cebu; ug si alyas “Daidai”, 47 anyos, babaye, balo, taga Tungkil, Minglanilla, Cebu usab.
Gipahigayon ang maong operasyon pinaagi sa hiniusang pwersa sa CDEU/CIU Mandaue, RID7, PDEG7, ug PDEA RO7.
Sa operasyon, nakuha gikan sa mga suspetsado ang gibanabanang 4 ka kilo nga gituohang shabu nga adunay street value nga ₱27.2 milyon.
Gipasabot og tarong sa mga otoridad ang mga suspetsado kabahin sa ilang pagdakop ug sa ilang katungod ubos sa balaod gamit ang pinulongan nga nasabtan nila.
Padayon pa usab karon ang imbestigasyon ug preparasyon sa mga kaso nga isaka batok sa mga nasikop.
Source: MCPO
I via Renante Socia Lada