Personal nga giduaw niadtong miaging adlaw, Pebrero 22 nila ni senador Migz Zubiri, konsehal Zaldy Ocon ug kadagkoan sa Department of Public Works and Highways (DPWH) ang Cagayan de Oro River basins diha sa sitio Calacala, Barangay Macasandig.
Sumala ni Ocon nga si senador Zubiri ang naninguha nga mabutangan og pundo sa 2020 National Budget ang maong proyekto pinaagi sa Institutional Amendment ni Zubiri sa 2020 General Appropriations Act.
Mobalor og ₱ 300 milyones ang gigahin nga pundo aron mahuman ang nahisgutang proyekto.
Dugang ni Ocon nga tumong sa proyekto nga malikayan ang subling panghitabo sa bagyong Sendong diin daghang molopyo sa maong dapit ang nabiktima.
Niini, mapalasalamaton si Ocon sa gipakitang suporta ni senador Zubiri alang sa pagkab-ot sa dugang kaarangan sa dakbayan sa Cagayan de Oro. (Sangguniang Panlungsod – CdeO)