Nagpakitang gilas ang Cagayan de Oro Higalas Team B human gipukan ang Albion Knights sa iskor nga 109-94 atol sa ilang sangka, Mayo 14 sa nagpadayong Pilipinas Super League U18 Mindanao North Leg didto sa Valencia City Gymnasium and Cultural Center sa probinsya sa Bukidnon.
Nasayran nga mag-agbat ang Top 8 teams sa tibook pulo sa Mindanao nga mi-qualify sa PSL U18 Mindanao North Leg. Upat lang ka teams ang moabante sa single round robin tournament, diin ang top 2 teams adunay twice-to-beat advantage.
Dako ang pasalamat sa mga magdudula ug coaches sa Cagayan de Oro Higalas sa hugot nga suporta ni Mayor Rolando “Klarex” Uy sa maong torneyo ug sa buhatan sa Cagayan de Oro City Sports Office sa pagpangulo ni OIC Romarey B. Gorro ug Executive Consultant Coach Ruel R. Daba.
(News and photo courtesy of CIO CDO)