30 C
Manila
Friday, March 29, 2024

CDO Gipaubos Sa Community Quarantine

- Advertisement -

CAGAYAN DE ORO CITY- Karong adlawa Biyernes Marso 20 gisugdan nang gipailawom sa community quarantine ni City Mayor Oscar Moreno tapos nakabsan sa kinabuhi and duha ka mga babaye sa Northern Mindanao Medical Center o NMMC diin giila sa mga health officials nga person under investigation (PUI) alang sa novel coronavirus.

Nasayran nga ang duha ka mga babaye namatay 24 oras human kini nahidangat sa NMMC. Ang hinungdan sa ilang kamatayon mao ang severe acute respiratory illness. Ang mga doctor nakahimo pa sa pagkuha sa specimen gikan sa usa sa 2 ka mga babaye alang sa COVID-19 testing. Ang resulta sa maong pagtest ang wa pa mahibal-i.

Ang community quarantine sa CDO nagsugod karong adlawa ug wa pa bal-i kon hangtud kanus-a kini. Si Mayor Moreno milagda sa Executive Order No. 049-2020 diin dili lamang ang syudad maoy gipaubos sa quarantine status kon dili nag-awhag usab sa Misamis Oriental ug ang mga lungsod sa Bukidnon nga sama sa Libona, Baungon, Manolo Fortich, Talakag ug Malitbog diin mahimong kabahin sa expanded quarantine territory.

Gisugilon sa mayor nga ang pagpailawom sa syudad silong sa community quarantine dili sayon nga desisyon tungod sa iyang paningkamot nga magpabilin ang normal nga kahimtang bisan pa niining panahon o pagsulay.

Si Moreno nag-awhag sa mga  residente sa pagpuyo sa panimalay ug mogawas lamang kon adunay gikinahanglan nga mga lakaw.

Ang EO nagmando usab sa dili pagbalda sa mga kalihokan sa tanang cargo nga mosulod ug mogawas sa Cagayan de Oro ubos sa inspection niini sa dili pa ug human sa delivery.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -