Cagayan de Oro City – Gihikay na sa kagamhanan sa dakbayan pinaagi sa City Disaster Risk Reduction Management Department ang budget nga magamit kun adunay katalagman sama sa bagyo, baha nga masinati sa syudad.
Kini ang reaksyon ni konsehal Reuben Daba, sa sesyon sa konseho karong bag-o nga gidumala ni bise mayor Kikang Uy, human si konsehal Lordan Suan mitaho nga marepaso ang gipatumang pagpangandam sa syudad ilabina niining panahon sa ting-ulan nga nakadugang sa krisis nga dala sa Covid 19.
Matod ni Daba nga ang mga susamang panghitabo gipangandaman na sa kagamhanan ug aduna nay pundo nga nakatagana alang sa maong katuyuan.
Hinoon, gibutyag sa konsehal nga garbo siya nga gipangandaman na kini sa kagamahanan ug iampo lang nga unta dili mahurot ang budget ilabina nga kasamtangang giatubang karon ang pandemya.
(Sangguniang Panglungsod)