30 C
Manila
Saturday, April 13, 2024

CdeO Padayong Mopatuman Sa Mga Proyekto Ug Programa Versus COVID-19

- Advertisement -

Cagayan de Oro City – Kapin sa ₱ 524.28 milyones ang gisugyot sa administrasyon ni mayor Oscar Moreno nga pundo aron padayong mapatuman ang mga programa ug proyekto kontra sa Covid-19 sa umaabot tuig 2021.

Sa gisumeteng 2021 Executive Budget sa mayor ngadto sa konseho sa syudad ubos ni Bise Mayor Kikang Uy, gibutyag nga paninguhaon sa dakbayan nga makakuha sa gikinahanglang tinubdan sa pundo aron mapatuman ang labing gikinahanglan nga mga programa ug proyekto ug maabagan ang mga nanginahanglang katawhan nga apektado dili lang sa Covid-19 kun dili lakip na sa uban pang natural ug man-made calamities.

Kini naglakip sa ₱ 198 milyones kapin nga Peace and Order Program – Virus Protection and Recovery Program/Logistics and Supplies Program; pagtukod sa Laboratories ug Imaging Services (₱ 1.2 milyones) ug Emerging Re-Emerging Infectious Diseases (EREID –Communicable Disease) Programs (₱ 500 mil);  Programa alang sa Emergency Welfare and Crisis Intervention (₱ 15 milyones); Primary Care Benefit Package (Services of Frontliner Doctors) balor ₱ 2.84 milyones;

Philhealth Indigency Program Premium/Universal Health Care Program/Covid 19 Response (OMOE) (₱ 180 milyones); pagpalit og medical supplies, equipment ug uban pang supplies alang sa Covid-19 pandemic (₱ 41 milyones); pagpalit og pagkaon ug uban pang supplies alang sa mga frontliners, responders, health personnel ug volunteers sa Covid-19 (₱ 2.5 milyones);

Assistance in cash or in kind alang sa Disaster/Covid 19 affected families, individuals ug workers ingon man pagpalit og Covid-19 vaccines (₱ 25 milyones); accommodation sa mga local stranded individuals (LSI) ug returning overseas Filipinos (ROF) (₱ 13.15 milyones) ug pagtibawas sa ERID Isolation Facility dinha sa Brgy. San Simon nga hitsas na sa equipment outlay ug installation (₱ 45 milyones).

Niini, ang konseho gipaabot nga mopahigayon sa budget hearing sa umaabot nga mga adlaw aron matuki ug mahatagan sa katin-awan ang mga gisugyot nga programa ug proyekto. (Sangguniang Panglungsod)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -