Cagayan de Oro City – Kapin na sa walo ka bulan ang COVID-19 pandemic, ang nasudnong kagamhanan nagpadayon pagtukmod sa pagbukas sa ekonomiya sa tibuok nasud samtang nagpadayon sa pagpatuman sa minimum public health protocols, matud pa ni Mayor Oscar Moreno sa syudad sa Cagayan de Oro.
Sa iyang panglantaw, ang nasudnong kagamhanan nag-una karon pagtutok sa pagrecover sa ekonomiya uban sa pag-atiman sa panglawas sa katawhan.
Atol sa press briefing kagahapon, Nobyembre 30, si Mayor Moreno nag-ingon nga kon ang ekonomiya sa nasud padayong mohagsa, mosamot kadako ang problema. Kini iyang gisugilon samtang giaprobahan ni President Rodrigo Duterte ang rekomendasyon sa Inter-Agency Task Force (IATF) sa pagpahimutang sa Cagayan de Oro, Misamis Oriental ug uban pang dapit sa Northern Mindanao gawas sa dakbayan sa Iligan ubos sa modified general community quarantine. Ang Iligan City sa pikas bahin miuban sa Davao City, Lanao del Sur province, mga syudad sa Iloilo ug Tacloban ug Batangas province ubos sa general community quarantine (GCQ)
Sa iyang matag adlaw nga update, si Acting City Health Officer Dr. Lorraine Nery mibutyag nga adunay bag-ong narekord nga 31 ka mga kompirmadong kaso niadtong Sabado ug Domingo nga gilangkoban sa usa ka bag-ong niabot, 15 mga local cases nga may kalambigitan sa karaang kaso, lima mga APORs o authorized person outside residence ug walo ka index o mga bag-ong kaso ug duha ang namatay. Apan ang syudad nakarecord usab sa 57 ka mga recoveries sud sa duha ka adlaw, matud pa ni Nery.
Alayon sa syudad silong sa MGCQ, si Mayor Moreno nagsugilon nga anaa na sa katawhan sa Cagayan de Oro sa pagtabang sa City Hall sa pagpaubos sa kaso sa Covid-19 sa panahon sa tinuig nga Simbang Gabi (night masses). (City Information Office)