33 C
Manila
Saturday, April 20, 2024

Culmination Sa Munato Festival Virtual Celebration Sa Sarangani Province Karon Na Nga Adlaw

- Advertisement -

Nangimbita ang gobernador sa probinsya sa Sarangani si Governor Steve Chiongbian Solon nga suportahan ang mga culminating activity karong adlawa sa ika-28 ka tuig nga foundation anniversary ug ika-18 nga MunaTo Festival sa Sarangani Province.

Adtuan lang ang Facebook account sa MunaTo Festival, i-like ang page ug i-share usab kini samtang nagasunod sa live stream. Ning adlawa, Lunes, Nobyembre 30, Bonifacio Day, usa ka national holiday, makita ug madunggan ang mga testimonya sa COVID-19 survivors sa Sarangani, sila Malapatan Mayor Jun Sumbo ug DepEd Sarangani division supervisor Ma’am Donna Panes. Matigayon kana alas dyes y media sa buntag (10:30 AM) ug alas sais y media sa gabii (6:30 PM).

Mutapos ang tanang pinasahi nga online activities sa MunaTo Festival 2020 pinaagi sa dakong selebrasyon sa kadaugan ni Ginoong Hesukristo dinha sa mga panimalay, ang Jesus Reigns virtual praise and worship nga ipahigayon dili lang sa Sarangani Province kundili sa tibuok Pilipinas. Ang tanang panalangin, bendisyon ug kalampusan, bisan na ang mga pagsuway ang angay lamang ihangad ngadto sa Kahitas-an. Magsugod kana alas dos sa hapon (2 PM) karong adlawa, madunggan sa mga istasyon sa radyo ug makita sa Facebook ug YouTube.

Samtang gahulat sa pagsugod sa selebrasyon sa Jesus Reigns, dungan kitang makigsalo og paniudto kauban ang atong mga miyembro sa pamilya ug mahal sa kinabuhi, gitawag kini nga “Lunch Victory Feast.” Pwede usab i-display ang flag/banner sa Jesus Reigns sulod sa atong mga pinuy-anan ug gambalay timaan sa atong pagsuporta.

Giawhag ang mga ginikanan nga muhatag sila og pag-blessing sa ilang mga anak sa kinatibuk-ang pakig-uban karong adlawa sa Jesus Reigns celebration. Kaysa puros panghimaraot ang madunggan, mga pagdasig dapat ang madunggan matag adlaw sa mga kabataan aron inspirado kini sa kinabuhi. Susama ang pagabuhaton sa mag-asawa aron magpabiling lig-on ang pamilya. (Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -