Cebu City – Gipasalig sa Cebu City Police Office (CCPO) nga ang nahitabo sa Tarlac, diin ang usa ka pulis mipusil-patay sa inahan ug anak taliwa sa mainitong lalis, dili mahitabo dinhi sa Syudad sa Sugbo.
Matod ni Police Lt. Colonel Wilbert Parilla, Deputy City Directors for Operations sa Cebu City Police Office nga ang CCPO nag atiman sa mental ug ispiritwal nga aspeto pinaagi sa ilahang Squad Weekly Interactive Meeting.
Ang maong programa nga gipareactivate niadtong miaging Biyernes gipaagi kini ug “squadding” system nga ang mga kapulisan dunay mentor gikan sa religious sector.
“Ato ning gibalik diri sa atoa sa CCPO ug sa uban pang mga police offices…weekly, duna na silay interactive meeting diin ang usa sa atong mga kapulisan maka-interact sila; maka sulti sila unsa ilang mga problema, even personal nga problema or related sa ilang trabaho, aron sab sila ma-guided both spiritually and mentally, nagkanayon ni Parilla.
Ang kabahin sa operations, matod sa opisyal nga ang kapulisan sa CCPO gi-expect nga mopatigbabaw ug maximum tolerance.
Kini aron di maparehas or dili masangkot in case naay mga confrontations or dunay mga respondehan ang kapulisan.
“We should always respect the rights of every individual ug dunay mga sayop” pahihumdum ni Parilla. (Jhon Tadlip/JTY)
(Source & photo courtesy of Cebu City Police Office)