28.6 C
Manila
Friday, March 29, 2024

11-Anyos Nga Taga-Malungon, Sarangani Province Bronze Medalist Sa Virtual Worldwide Taekwondo Poomsae Tournament Sa Nasud Britanya

- Advertisement -

Laing garbo na usab sa probinsya sa Sarangani ug sa tibuok Pilipinas ang kadaugan sa batang atleta nga taga-Brgy. Upper Mainit, Malungon, Sarangani Province human kini nahimong third placer sa virtual world taekwondo poomsae competition gipahigayon sa nasud Britanya nga gisalmutan sa daghang mga nasud.

Si Eesha Ysabel Alegario Cunanan, onse (11) anyos, ang gideklara nga bronze medalist sa 2020 Virtual KTA Worldwide Poomsae and Para-Poomsae Championships natigayon sa United Kingdom, sa kategorya nga 11 years old grade school female black belt. Ang champion taga-nasud Netherlands, ug ang silver medal nakuha sa taga-Saudi Arabia.

Dako ang pagpasalamat sa amahan nga si Mr. Charles Cunanan sa gipakita nga suporta sa mga opisyales sa Sarangani Province para sa iyang anak sa pagpanguna matud pa ni Governor Steve Chiongbian Solon, Senador Manny Pacquiao ug Malungon Municipal Councilor Bing Alegario nga auntie usab ni Eesha.

Karon lang tuiga sa wala pa ang international tournament, tulo (3) ka mga medal ang nakuha ni Eesha Cunanan sa mga national event sa Pilipinas. Nag-gold medalist kini sa 2020 Smart/MVP Sports Foundation Online Taekwondo New Face of the Year Speed Kicking Championship ug ang gi-organisa sa MILO Philippines. Niaging tuig, nakakuha pud kini og silver ug bronze medal sa face-to-face competition nga gipahigayon didto sa nasud Singapore.

Walay laing mensahe si Eesha kundili ang pagpasalamat sa iyang mga ginikanan, sa iyang mga instructor-coach, LGU officials ug sa Ginoo. Nagmalampuson sila sa mga training samtang gatuman sa mga personal safety protocol aron iwas-takod sa Coronavirus. Gidasig niini ang mga kabataan nga gamiton ang sports aron malayo sa sige gamit og mga gadget-cellphone.

Bisan aktibo sa sports apan wala napasagdan ang iyang pagtuon. Gani, consistent honor student kini 1st placer sa academic performance sa iyang eskwelahan sa Stockbridge American International School ilalum sa Joji Ilagan International Schools sa GenSan.

Gikatakda ang paghatag ni Governor Solon og pahalipay-insentibo ngadto ni Eesha aron musamot pa kini kaganado sa paghatag og dungag dungog sa probinsya sa Sarangani tungod taas pa ang iyang maabtan gumikan sa kalinghud pa sa pangidaron, ug magpabilin kining modelo sa mga kabataang Sarangani. (Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -