Ang National Grid Corporation of the Philippines o NGCP mupatuman na usab og red alert sa Visayas Grid gikan alas 2 sa hapon hangtod alas 9 sa gabii karong Septiyembre 10, 2026.
Anaa usab sa yellow alert gikan ala 1 hangtod alas 2 sa hapon, ug gikan alas 9 hangtod alas 10 sa gabii.
Base sa advisory, 2,205 megawatts ang available nga power supply, samtang moabot sa 2,460 megawatts ang peak demand. Mokabat sa 979.9 megawatts ang dili magamit sa grid tungod sa mga power plant nga naka-forced outage ug mga planta nga nag-operate sa ubos sa ilang normal nga kapasidad.
Usa sa mga hinungdan sa red ug yellow alert mao ang dili pag-operate sa dagkong coal plants nga TVI 1, TVI 2 ug PEDC 3. Limitado usab ang power import gikan sa Mindanao Grid.
Sumala sa NGCP, ang red alert ipagawas kung dili igo ang power supply aron matubag ang panginahanglan sa mga konsumante ug ang gikinahanglang reserve sa grid. Ang yellow alert nagpasabot nga limitado ang power reserve alang sa posibleng emergency o contingency sa transmission grid.
I via Renante Socia Lada