Cashless payment, pipila ka adlaw nang gipa-implementa sa GenSan Public Market

0
9
photo courtesy of LGU-Gensan
General Santos City – Maayong balita para sa tanang mga lumulupyo sa dakbayan sa Gensan.

Ang General Santos City Public Market nagdawat na karon og digital/cashless payments tungod sa malampusong paglusad sa Paleng-QR Ph Plus ning milabay’ng semana.

Nasayran nga pinaagi niini mahimo ka nang mamalit sa maong Merkado Publiko gamit lang ang inyong mga cellphone. Ang kinahanglan nimo mao ang pag-scan sa mga QR code ug ipadala dayon ang imong bayad sa gipalit nga mga produkto.

Tungod niining modernong pamaagi, mas paspas na ang inyong mga transaksyon ug dili na angay mabalaka bahin sa pagbayloay tungod kay imong bayran ang eksaktong kantidad.

Makabayad kamo gamit ang Maya mobile app, GCash, ug Palawan Pay. (Rem Agdon)

(Source: LGU-GenSan)

Leave a Reply