Davao City – Mukabat ngadto sa ₱ 726,000 nga pinansyal nga ayuda gitunol ngadto sa mga kanhi supporters sa New People’s Army (NPA) sa Marilog ug Paquibato District ning siyudad sa dabaw pinaagi sa Department of Labor and Employment (DOLE) nga TUPAD program.
Ang mga benepisyaryo mga kanhi supporters sa NPA ubos sa underground mass organization (UGMO) nga gihuptan sa mga rebeldeng grupo. Pinaagi usab sa tabang sa 27th Infantry “Action” Battalion nga maoy mi-organized kanila pinaagi sa Community Development Team (CDT).
Mukabat sa 181 ka mga indibidwal nakadawat og tag ₱ 3,960.00 matag usa nga myembro sa Kialao Farmer’s Association, Kamanyan-Riverside Farmer’s Association, Salindua Farmer’s Association, Meluya Farmer’s Association, Magwasay Farmer’s Association, Pandaitan Farmer’s Association, Paradise Embac Farmers Association ug San Miguel Farmers Association sa Paquibato ug Marilog Districts. Ang nadawat nilang ayuda ilang pagagamiton alang sa dugang kapital sa ilang panginabuhi.
Ang City Government of Davao, Public Employment Service Office (PESO), DOLE XI ug 27th Infantry “Action” Battalion mao’y mitabang ug personal nga mitunol sa TUPAD cash assistance ngadto sa mga benepisyaryo.
Ang TUPAD assistance usa lamang sa mga lakang nga ginahimo sa gobyerno isip suporta sa Executive Order 70, Ending Local Communist Armed Conflict (ELCAC) nga ginahatag sa mga kanhi rebelde ug sa mga supporters niini.
(Source: 27th IB, 10th ID)
