Davao City – Subling giklaro sa Davao City Police Office o DCPO nga wa kamatuoran o fake news ang mikalat sa social media nga nahitabong pag-carnap sa usa ka Mitsubishi Strada nga may plate number LAL 7712 gawas sa usa ka iladong establisemento sa Mcarthur Highway, Matina corner Maa, Davao city.
Base sa pahayag DCPO, wala kini gicarnap apan mismong ang bangko ang mikuha sa maong sakyanan human matud pa wa makabayad sa iyang monthly amortization sa sakyanan ang tag-iya niini.
Samtang, mihangyo ang DCPO sa publiko nga dili magpatakag pakalat o pagshare sa mga impormasyon sa social media nga wala miagi og verification sa tamang impormasyon. (Camille Santos Naraga)
(Source: DCPO)