Sa pahayag ni Ma. Cecilia Bayana, spokesperson sa tambalanan kuman hapon sa interview sa RPN DXKS, ang unom ka PUI an jaon sa suyod sa EREID Wards.
An unang PUI nga 38 anyos na layaki gikan sa Cabadbaran na may history of travel gikan sa Hongkong. Hangtud kuman Marso 19, 2020 an waya pay resulta na resulta sa throat swab gikan sa RITM.
An ikaduha na PUI isa ka babaje, 62 anyos na taga Siargao Island na may travel history sa Manila.
An ikatuyo na PUI, isa ka 67 anyos na babaje gikan sa Burgos, Surigao del Norte na nagbiyahe gikan sa Manila.
An ikaupat na PUI, 1 yr old na batang babaji gikan sa Butuan City na gikan sa Manila na mipailayom sa cardiologic procedure.
An ikalima isa ka 34 anyos na layaki, ini sija isa ka nurse sa Surigao City pero tag consider na ipahimutang isip PUM, tagpagawas na sa hospital samtang nag home quarantine.
An ikaunom isa ka 71 anyos na babaje na taga Surigao City na may biyahe gikan sa Manila.
An ikapito na PUI, isa ka 63 anyos na babaje gikan sa Agusan del Norte nga nakabiyahe gikan sa Manila.
Kuman hapon miatubang isab sa Sangguniang Panlungsod si Rowell Badiang na amoy tagpadaya ni Dr. Cheryl Gotinga alang sa pagpahibayo sa kahimtang sa mga PUI.
*Picture screenshot from Mico Surigao live fb