ZERO COVID case na ang Cagayan de Oro sulod sa milabay’ng duha ka adlaw, Sabado ug Domingo, basi sa pinakaulahing taho sa City Health Office (CHO).
Tungod niini, anaa na lamang sa 16 active cases ang Cagayan de Oro, 5 new recoveries ug 0 death usab.
Apan bisan pa man sa maong mga datos, nagpahinumdom kanunay si Mayor Oscar Moreno ug mga local health experts nga pabiling magmabinantayon sanglit pwede pa gihapong mosaka og balik ang mga kaso sa COVID 19 dinhi sa syudad.
Samtang, dako usab ang pasalamat ni Mayor Moreno sa mga nitubag sa libreng COVID 19 vaccination tungod kay dako kini og natabang aron malikayan ang grabeng simtomas kung ugaling mataptan sa COVID 19 virus.
Sa taho ni Dr. Ted Yu Jr., medical officer sa CHO, nga 91.20% na ang nakadawat sa second dose basi sa report niadtong April 1.
Ug sa gihapon, nagpadayon ang vaccination rollout sa syudad aron makab-ot ang 100% vaccination rate. (CIO)