Dugang mga benepisyaryo sa kanhi Piso-piso program ang nakaangkon og titulo sa yuta pinaagi sa Land Titling Program sa syudad ubos sa administrasyon ni Mayor Oscar Moreno, adlaw’ng Martes Mayo 3.
Ang kalihokan gipangulohan ni Bise Mayor Raineir Joaquin Uy, ug City Councilor Edgar Cabanlas kinsa maoy Chairman sa Task Force for the Emancipation of Piso-piso Beneficiaries (TFEPB), uban usab sa Executive Director nga si Engr. Armen Cuenca, ingon man representanti sa Department of Environment and Natural Resources (DENR) 10, ug si Ms. Irene Floro.
Mokabat 21 ka mga benepisyaryo ang midawat sa titulo sa ilang yuta diin 19 ang gikan sa Macanhan, Brgy. Carmen, ug duha ang gikan sa Brgy. Tumpagon.
Alayon niini, gipahalipayan ni Bise Mayor Uy, ug Konsehal Cabanlas ang mga benepisyaryo nga nakalingkawas na sa hikot sa politika ug dili na mahadlok nga papahawaon sa ilang gipuy-an.
Gipahinumduman nila ang mga benepisyaryo nga ampingan ang ilang titulo aron masunod pa sa ilang mga anak ang maong kabtangan.
(Source: Cagayan de Oro City Philippines Facebook page)