General Santos City – Vaccinated ug unvaccinated ang pwedeng makaboto sa umaabot nga May 9 National and Local Election. Kini ang gipaklaro ni Atty. Jose Villanueva, Assistant Regional Director sa COMELEC 12.
Saysay niini nga dili required ang pagpakita sa vaccination card panahon sa eleksyon ingon man ang face shield, kundili dapat adunay facemask, magdala ug kaugalingong ballpen, alcohol ug dili mutaas sa 37.5 degrees Celsius ang temperature.
Pamahayag niini nga wala nalakip sa guidelines nga gipagawas sa COMELEC National Office nga dapat bakuna lang ang makaboto panahon sa eleksyon gumikan katungod sa tanan ang pagboto ug pagpili ug kandidato.
Apan kinsa mang botante nga makitaan ug taas nga temperature ug sintomas sa COVID 19 ang tugutan gihapon nga makaboto apan ibutang sa isolation room kung asa kini hatagan ug balota.
(Source: Comelec 12)
