Padayon ang pagtunol og educational cash assistance ni Vice Gov. Jigjag Pelaez ngadto sa mga benepisyaryo gikan sa nagkalain-laing lungsod ug dakbayan sa Misamis Oriental. Gani, ning bag-o dunay 24 ka benepisyaryong estudyante gikan sa Medina, Talisayan ug Gingoog City ang natunolan sa ayuda gikan sa Bise Gobernador.
Ang maong ayuda gikan sa P12.2 milyones nga budget sa Vice Governor’s Office nga gitagana alang sa nagkinahanglang magtutungha, isip inisyatiba ning panahon sa pandemya.
Gikalipay kini ni Gov. Peter M. Unabia, hilabina lakip sa iyang PAGLAUM development agenda ang pagtutok sa kabatan-onan ug out-of-school-youth dinhi sa Lalawigan.
(Source: VG Office |Misamis Oriental Provincial Information Office Facebook page)