Gipasalig ni Engineer Dennis C. Tenorio, OIC Provincial Disaster Risk Reduction Management Office (PDRRMO), sa publiko nga priority sa iyang buhatan, ang programa pag-responde sa natural nga mga kalamidad, sama sa pagbaha, linog, tsunami, ingon man mga man-made nga kalamidad.
Matod pa niya ‘nga kaniadto sa iyang pamunuan ang PDRRMO is more or less related disaster response its natural. Apan karon pagbalik niya sa maong buhatan aduna nay bag-ong programa nga mao ang COVID response. So ang PDRRMO is part of COVID response and scenario nga adunay tie-up sa DOH or sa PHO’.
Gitutukan usab sa iyang buhatan, ang Lima Ka Covid Border Check Points, aron maprotektahan ug mabantayan ang mosulod dinhe sa probinsiya, alang sa seguridad ug kaluwasan sa katawhan. Iyang giila ang Lima ka border check points nga mao ang; Tolon, Rizal, San Juan, Sergio Osmena, Gatas Kalawit, border check point in Siayan –Dumingag ug RT Lim, Siocon.
Dugang pa ni Engr. Tenorio nga ang probinsiya adunay usa (1) ka sakyanan nga maoy magamit panahon sa emerhensiya.
Sa katapusan gipasalig ni Engr. Tenorio, nga ang PDRRMO andam ug adunay kapasidad makahimo sa pagtubag sa bisan unsang tawag sa kalamidad, ilawon sa iyang pamunuan, nga nagsunod kanunay sa mandato sa administrasyon ni Governor Jalosjos, nga nag-ingon- “Misyon Ko; Tinuod nga Serbisyo”. (Nena Garcia)
(Source: Provincial Information Center)