Kalikagum ni Gob. Matthew Marcos Manotoc a maileppas sakbay ti kaaldawan ti paskua ita a tawen 2022 dagiti tallo a dadakkel a proyekto ti gobierno probinsial.
Inlawlawagna nga iti agdama ket nasursuruken ngem pitopulo a porsiento ti nalpas iti Ferdinand Edralin Marcos Stadium.
Mainaig iti daytoy, mangnamnama ti gobernador a malpas ti nasao a proyekto iti masungad a bulan ti Agosto.
Impaigakna a dandani metten pitopulo a porsiento ti nalpas iti “expansion” ti kapitolio probinsia!l idinto a dandani metten innem a pulo a porsiento ti naipas iti Dap-ayan Commercial Building.
Pakaseknan daytoy, namnamaen ni Gob. Marcos Manotoc a malpas amin dagiti tallo a dadakkel a proyekto ti probinsia ita a tawen 2022.
Maipalagip a ti Dap-ayan ket addaan ti siam a kadsaaran malaksid iti “roof top” ken iti underground ti pasdek.
Kabayatanna, maiyun-una a maileppas iti laud a paset ti expansion ti kapitolio a pagakaran dagiti sumagmamano a pangopisinaan iti dumaya a paset ti kapitolio para iti al-alisto a pannakatrabaho ti daya a paset ti expansion ti kapitolio. (Rodrigo Sadian)
(Source: Provincial Government of Ilocos Norte)