Nahulog ra gayud sa mga kamot sa kapulisan sa Lungsod sa Tagoloan ang gi konsiderar nga TOP 2 drug PERSONALITY Provincial Level sa PDEA ug PNP Misamis Oriental. Dakpan ang suspetsado nga si Angelo, 29 years old, adunay kaipon, habal-habal driver, ug residente sa Zone 2B Sto Nińo Baluarte Tagoloan atol sa gipahigayon nga buybust operation sa pagpangulo ni PCAPT Enrique F Dungog, Mayo 26, 2023 adlawng Biyernes.
Na preso na kaniadto tuig 2015 hantod 2018 ang suspect sa kasong murder ug pagkagawas niya sa presohan ni engage napud kini sa ilegal nga droga.
Sulod mismo sa panimalay sa iyang ginikanan positibong napalitan sa usa ka pakete sa gituohang shabu ang dinakpan ug atol sa pag body search kaniya nakuhaan pa kini ug laing dakong sudlanan nga adunay sulod nga droga ug gibanabana nga dili mo menos sa lima ka gramo ug adunay estimated street value nga more or less Php35,000 pesos lakip ang buybust money nga maoy gigamit sa pagpalit sa shabu.
Ubay-ubay usab nga mga drug paraphernalias ang nakita sulod sa iyang panimalay sama sa ginamitan nga aluminum foil, lighter ug ipit nga kawayan nga maoy kasagara gagamiton sa pag repack sa maong butang. Anaa na karon ang dinakpan sa presohan sa Tagoloan Municipal Police Station ug giandam na ang kasong paglapas sa RA 9165 o Comprehensive Dangerous Drugs Act of 2002 batok kaniya.
(News & photo courtesy by Ronda Cyril Cambalon Jr.)