Gipasigarbo ug gikalipay ni Mayor Klarex Uy ang dakong kalampusan nga nakab-ot ni Hazel Cabutad, ang city scholar sa kagamhanan ning dakbayan kinsa nahimong Top 6 sa Licensure Examination for Professional Teachers kon LEPT nga gipahigayon niadtong Marso 19, 2023.
Si Hazel migradwar nga Magna Cum Laude sa Bachelor of Science in Secondary Education sa Xavier University.
Kauban ang iyang inahan, nakigkita si Hazel kang Mayor Klarex atol sa ‘People’s Day’ niadtong Miyerkules, Mayo 24, diin mainitong siyang gipahalipayan sa mayor tungod sa iyang pagpanglimbasog ug dedikasyon sa pagtuon.
Nanghinaut si Mayor Klarex nga ang kalampusan ni Hazel sa iyang pag-eskwela magsilbi untang inspirasyon sa mga city scholars, ilabina ang mga kabatan-onan sa syudad aron ilang makab-ot ang hayag nga kaugmaon.
(News and photo courtesy of CIO CDO)