Maabtikon nga nagpadangat sa tabang ang lokal nga kagamhanan sa dakbayan sa Cagayan de Oro ubos sa administrasyon ni Mayor Klarex Uy pinaagi sa pagbutang ug community kitchen aron mahatagan og mga mainit nga pagkaon ug hinanaling hinabang sa mga nasunogan sa Purok 4 sa barangay Puerto.
Hisayran nga ang sunog niadtong adlawng lunes sa hapon niugdaw sa 44 ka mga balay, 31 niini ang totally burned ug 13 ang partially burned, ug nakaapekto sa 68 ka pamilya o 262 ka indibidwal.
Gibanabana nga gasto sa kadaot gibutang sa P12,781,089.
Samtang, nakadawat na ang mga pamilyang biktima ug nga food packs ug relief packs gikan sa LGU-CDO pinaagi sa CSWD, lakip na ang mga basic needs niini sama sa habol, mosquito nets ug collapsible tent nga gihatag sa evacuation center.