Cagayan de Oro: Syudad nakabaton og upat ka bag-ong heavy equipment; Mayor Klarex nangulo sa blessing

Nakabaton karon ang kagamhanan ning syudad ubos sa administrasyon ni City Mayor Rolando ‘Klarex’ Uy og mga bag-ong ekipo kon heavy equipment nga magamit alang sa mga gimbuhaton sa City Equipment Depot.

Kini human gipangulohan ni Mayor Klarex, uban si City Equipment Depot Manager Anecito V. Bañas ug pipila ka mga department managers sa city hall, ang blessing sa upat ka brand new heavy equipment diha sa City Engineering Compound, barangay Kauswagan karong adlawa, Mayo 16

Ang upat ka heavy equipment naglakip na sa usa ka grader, usa ka payloader, usa ka backhoe (wheel-type) ug usa ka backhoe-loader, sigun pa ni Bañas.

(News and photo by Cheleste Simene)