Gipahigayon sa Community Improvement Division ang month-long series sa Adolescent Sexuality & Reproductive Health (ASRH) classes sa mga Grade 9 students sa Misamis Oriental General Comprehensive High School (MOGCHS) sugod Mayo 9 kutob Mayo 26 ning tuig.
Moabot sa dul-an 2,000 ka mga tinun-an sa Grade 9 sa MOGCHS ang target nga mopailawom sa nasangpit nga educational sessions isip kabahin sa hugot nga kampanya sa syudad batok teenage pregnancy, mental health awareness, ug uban pang isyu kalabot sa mga kabatan-onan.
Dumduman nga hugtanong gisuportahan ni Mayor Rolando ‘Klarex’ Uy ang kampanya pagsumpo sa teenage pregnancy nga maoy usa sa hinungdan sa kalisod sa pamilya.
Mapasalamaton usab ang buhatan sa CID sa mga kompanya ug organisasyon nga hugot nga misuporta sa maong katuyoan, ilabina sa Department of Education – Misamis Oriental Division, MOGCHS, USAID-ReachHealth, Del Monte Philippines Inc., 1st Valley Credit Cooperative, Nature Spring, Xavier Science Foundation-KKK, Eagles Royal Vectors ug uban pa.
(News and photo by Cheleste Simene)