Sa unang higayon, ang lokal nga kagamhanan sa Cagayan de Oro ubos sa administrasyon ni Mayor Rolando `Klarex’ Uy, inabagan sa Kagay-an Alliance of Dog Owners Group (KADOG), Cagayan Animal Welfare Society (CAWS), ug Limketkai Center, magpahigayon og ‘1st Higalaay Dog Pawstival’.
Gibutyag ni City Veterinarian Dr. Perla Asis nga alayon usab kini sa kasauloan sa ‘Higalaay Dog Day’ o mas naila nga ‘CDO Dog Friendship Day’ sa umaabot Agosto 20, 2023, sa Limketkai Atrium.
Kini nga kalihokan maoy usa sa mga highlights sa usa ka bulan nga kasaulogan sa Higalaay Festival, diin ang tumong mao ang pagpalambo sa panaghigalaay tali sa mga dog owners, dog socialization, responsible dog ownership, ug rabies awareness.
Mao kini ang labing dako nga panagtapok sa mga fellow dog lovers, responsible pet breeders, ug sa mga respetadong veterinarians gikan sa public ug private practice sa rehiyon.
Ang ubang mga kalihokan naglakip na sa Dog Pawshion Show, Breed Standard Confo Fun Match, Fun Games, Amazing Ice Breakers, Door Prizes, Responsible Pet Ownership Talk, Free Vet Consultation, Free Rabies Vaccination, ug Take home enticing Pet Product Freebies.
News and photo courtesy of CIO CDO