NIining nagkadoul ang selebrasyon sa Pasko labina dinhi sa nasud nga maoy espesyal nga selebrasyon sa katawhang Pinoy miawhag si Gobernador Bambi Emano nga himoong simple ang pagsaulog niini.
Naghangyo si Gobernador Bambi ngadto sa mga empleyado hilabina sa ilang madawat nga mga bonus ug mga 13th month pay.
“Ang akong hangyo kay mag release naman tag bonus, kung pwde unta dili sa gihapon ta maggasto karon nga pasko,”sulti niini.
Kini tungod kay nakita nini nga ang hilabihan kon sobra nga pagselebrar moresulta ngadto sa pagdagsang sab sa tawo sa nagkadaiyang tindahan, mall ug uban pang establismento kung asa adunay daghang mga tawo.
“Dili ko mananagna pero sa kasagara nga akong kabalaka gakatuman. Magdungan gali pag-release sa bonus magdungan dayun ang mga mangadtog merkado ang mahitabo dayun pag abot sa January, taas kaayo ang kaso sa COVID. Mao na akong kulbaan, mao na atong panawagan,” matud niini.
Nagtuo si Gobernador Bambi Emano nga ang pagsakripisyo sa pagselebrar nga simple karong tuiga dako og kahimoan alang sa pagpugong sa pagkaylap sa virus sa umalabot.
“Kay kung mas lesser ang gasto, mas lesser ang kaso,” dugang sulti niini.
Tumong ug tinguha sa amahan sa lalawigan nga sa tuig 2022 unta magpabiling ubos ang kaso sa probinsya aron ang Misamisnon luwas niini nga virus ug maangkon lamang kini kon magpadayon ang kooperasyon ug pagtinabanga sa matag usa.
(Source: PIO-MisOr)