Gipakita sa mga reservista sa 902nd Ready Reserve Infantry Battalion Headquarters Company ang ilang padayon nga kaandam ug suporta sa depensa sa nasud atol sa kasulogan sa 47th AFP National Reservist Week, niadtong Septiyembre 12, 2026.
Mitambong sa virtual Flag Raising Ceremony ang upat ka Reservist Officers,20 ka Enlisted Reservists ug 36 ka Advance ROTC Cadet Officers nga gipahigayon pinaagi sa Zoom gikan sa Jose Rizal Memorial State University-Dipolog.
Kauban usab sa kalihokan si Col. Casimero Royme D. Tamparong (Res), Commander sa 2302nd Brigade, lakip ang mga personahe sa 97th Infantry Battalion ug 902nd Community Defense Center.
Gipasiugdahan ang seremonya isip pagpasiugda sa dakong papel sa mga reservist isip kabahin sa AFP Total Force Doctrine, ilabina sa pagpalig-on sa nasudnong seguridad, kalinaw ug pag-alagad sa komunidad.
Nahimong Guest of Honor and Speaker sa kalihokan si Defense Secretary Gilberto C. Teodoro Jr., diin gipasiugda ang kamahinungdanon sa reservist force isip dugang nga kusog sa Armed Forces of the Philippines.
Ubos sa pagdumala sa 9th Regional Community Defense Group, gipadayon sa mga reservist unit ang ilang kaandam nga motubag sa panginahanglan sa nasud ug mahimong kasaligan nga kauban sa pagmintinar sa kalinaw ug seguridad.(MEDALYN U. BORJA)
Source: 9th Regional Community Defense Group