Kasamtangang gipahigayon ang 2nd Quarter Social Pension Payout alang sa mga senior citizens ning dakbayan pinaagi sa Department of Social Welfare Development (DSWD) inabagan sa City Social Welfare and Development Office (CSWD) sugod niadtong Mayo 11 hangtod Mayo 23 ning tuig.
Ang maong payout gipahigayon diha sa mga kabarangayan pinaagi sa napulo (10) ka mga teams nga gi-deploy sa syudad, ingon man house-to-house usab ang paghatag sa social pension sa mga senior citizens nga walay kapasidad moadto sa mga covered courts.
Ubos sa programa, makadawat ang mga kwalipikadong benepisyaryo sa tag-₱ 1,500 nga quarterly social pension isip assistance sa panginahanglanon sa mga senior citizens sa dakbayan.
Alang sa dugang kasayoran sa mga programa alang sa senior citizens, mahimong bisitahon ang Senior Citizens Affairs – Cagayan de Oro City Facebook Page.
(Source: SPP CdeO Facebook page)