Usa ka Heroes’ Welcome ang misugat kang SEA Games Boxing gold medalist Carlo Paalam atol sa iyang paghidangat sa Laguindingan Airport kagabii, Mayo 16.
Kahinumduman nga nasakmit sa Kagay-anong boksidor nga si Paalam ang kadaugan sa 32nd Southeast Asia Games didto sa Cambodia human gipildi ang kaatbang nga si Aldoms Suguro sa Indonesia atol sa ilang dula sa gold medal round sa men’s boxing 54 kilograms category.
Mainitong gisugat si Paalam sa iyang asawa ug pamilya, lakip ang mga personahe sa Cagayan de Oro City Sports Office sa pagpangulo ni Sports Consultant Ruel R. Daba, Team CDO amateur boxing head coach Elmer Pamisa, ug mga staff sa City Tourism and Cultural Affairs Office.
“Kini nga medalya para sa inyong tanan,” ang mga pulong nga nabungat ni Paalam agi’g pasalamat sa tanan nga nangaliya sa iyang kadaugan, ilabina ang suporta ni Mayor Rolando ‘Klarex’ Uy.
(News and photo by CIO CDO)