28.9 C
Manila
Friday, March 29, 2024

Cagayan de Oro: Pork products gikan sa ASF-affected area gi-pullout sa city vet

- Advertisement -

Sa nagpadayon ug mas gipahugtan nga kampanya sa syudad batok African Swine Fever (ASF) ubos sa administrasyon ni Mayor Rolando `Klarex’ Uy, ubay-ubay nga mga produkto nga adunay karneng baboy ang gi-pullout sa City Veterinary Office pinaagi sa Meat Inspection Division bag-ohay lamang.

Ang maong mga processed pork products nakuha gikan sa duha ka mga establisemento nga nahimutang sa Barangay Lapasan ug Barangay Kauswagan.

Gibutyag ni City Veterinarian Dr. Perla Asis nga ang maong mga produkto gikan sa Cebu province nga apektado sa African Swine Fever.

Gikonpiska ang nasangpit nga mga produkto basi sa Executive Order No. 14032-2021 nga nagpatuman og temporary total ban sa pagpasulod sa mga hogs, tanang fresh/frozen pork meat ug processed pork products gikan sa Luzon ug ubang natumbok nga mga ASF-affected area sa nasud ug sa abroad.

Matud ni Dr. Asis nga wala pa giluagan sa syudad ang kampanya batok ASF ilabina nga ‘on the road to recovery’ na ang Cagayan de Oro gikan sa ASF.

Samtang, subling gipahinumduman sa Meat Inspection Division sa Veterinary Office ang mga negosyante nga naglambigit sa meat business nga mobisita sa buhatan sa City Vet ug magpakisayod kalabot sa existing guidelines nga gipatuman sa syudad sa Cagayan de Oro.

(News and photo courtesy of CIO CDO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -