31.9 C
Manila
Thursday, March 28, 2024

Cagayan de Oro: PinasLakas vaccination ug booster campaign gipalig-on sa CDO

- Advertisement -

Gipangulohan ni Mayor Rolando ‘Klarex’ Uy kauban ang mga kapitanes sa barangay, opisyales sa City Hall ang pagpanumpa ug paglagda sa ‘pledge of commitment’ sa ‘PinasLakas Bayanihan’ sa rehiyon alang sa PinasLakas vaccination ug booster campaign.

Visit RPN DXKO Cagayan de Oro

Kini gihimo atol sa gipahigayon nga ‘Panagtapok ug pagtimbayayong sa mga lokal na opisyales para sa kalampusan sa PinasLakas Bayanihan’ nga gipasiugdahan sa Department of Health Region 10 karong adlawa, September 2.

Kahinumduman niadtong Hulyo 26, dungan nga gilusad sa tibuok nasod ang PinasLakas Booster campaign alayon sa presidential directives sa first 100 days nga paglingkod ni President Ferdinand Marcos Jr., nga makab-ot ang 90% primary vaccine coverage sa mga senior citizens ug 50% usab nga first booster dose coverage sa 12 anyos pataas.

Sa maong panagtigom, subling gihangyo ni Mayor ‘Klarex’ ang mga kapitanes ug opisyales sa barangay nga suportahan ang vaccination program ug katibuk-an nga programa sa panglawas sa kagamhanang lokal, City Health Office ug sa DOH-10.

“Ang importante ang paghatag og kasigurohan sa imong kaugalingon, ug sa imong minahal sa kinabuhi, ug labaw sa tanan, kasigurohan usab sa imong isig katawo ug ang katilingban maoy bililhon”, pamahayag ni Mayor ‘Klarex’ sa kamahinungdanon sa pagpabakuna.

Gipadayag usab sa mayor nga andam mohatag ang syudad og 3 kilos nga bugas sa mga senior citizens nga magpabakuna ug magpa-booster, kung kini ang makapa-agni sa katawhan nga magpabakuna.

Gibutyag ni Dr. Ina Grace Chiu, National Immunization Program – medical coordinator sa City Health Office nga subay sa datos, September 1, anaa pa sa 81.48% ang primary vaccine coverage sa mga senior citizens, samtang 39.38% ang first booster coverage sa nag-edad 12 anyos pataas.

Gibutyag usab ni Dr. Rachel Daba-Dilla, City Health Officer, ang nagkadaiyang istratihiya nga gipatuman sa syudad aron mapalapdan ang vaccination program sama sa pag-abli sa dugang barangay sites, pagpakusog sa mga mobile vaccination ilabina sa hinterland barangays, company/office vaccination, pagpadayon sa mga fixed posts sa City Health Office, City Hall, health centers, malls, school-based vaccination ug uban pa.

Lakip sa mihatag sa ilang suporta si Dr. Ellenietta HMV Gamolo, Department of Health Assistant Regional Director; Ryan Jay Jopia, City Technical Officer for Covid19 Response sa ReachHealth Project USAID; Department of Education – Schools Division Superintendent Dr. Cherry Mae Limbaco-Reyes; mga kadagkuan sa Cagayan de Oro City Police Office ug City Department of Interior & Local Government.

Anaa usab si Councilor Yan Lam Lim, ABS president, Office for Community Affairs chief Oliver Egypto, ug City Health Insurance Office – OIC Dr. Efren Celeste.

(Source: CIO-Cagayan de Oro City)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -