Gihangyo karon ni Mayor Rolando “Klarex” Uy ang katawhan sa pagsul-ob og balik sa face masks ilabina kung anaa sa mga pampublikong dapit aron malikayan ang pagtakboy sa COVID-19.
Sa iyang mensahe karong buntag atol sa sinemanang pagpakayab sa nasudnong bandila sa city hall, gipasabot ni Mayor Klarex nga anaa kita ubos sa Alert Level 1 basi sa gipagula nga advisory sa Department of Health.
Matud ni Mayor Klarex, bisan pa man og mas luag ang mga “restrictions” ubos sa Alert Level 1, apan mahinungdanon nga malikayan ang grabeng pagsaka sa mga kaso kung sundon ug tumanon ang minimum public health standards ilabina ang pagsul-ob sa face masks.
Ang Alert Level 1 nagpasabot nga gitugotan ang pagbiyahe ug paggawas nga walay restrictions sa tanan. Ang alert level system (ALS) maoy nagsilbing giya sa nasud batok sa pagkuyanap sa COVID 19.
News and photo courtesy of CIO CDO