Patay diha-diha dayon ang usa ka lalaki human gipusil sa wala matino na suspetsado.
Ang krimin nahitabo didto sa Sitio Tinabangay, Barangay Mambaling, Siyudad sa Sugbo, sa nakalabay nga alas 3:00 sa kadlawon, Mayo 2, 2023.
Ang biktima mao si Roel Marikit Gungob, 43 anyos ang panuigon, taga Barangay Lamac, Lungsod sa Consolacion.
Sa gihimo nga imbestigasyon nasayran nga gipusil sa makadaghang higayon ang biktima nga naigo sa nagkadaiyang parti sa lawas na maoy iyang gikamatyan.
Gibutyag sa Mambaling Police Station nga usa ka ex-convict ang biktima na bag-o lang naka gawas sa prisuhan gumikan sa kaso sa ginadiling drugas ug illegal nga armas.
Ang kapulisan nagsubay karon sa personal nga kasungi-an maoy motibo sa maong krimin apan ila pang gipalawman ang imbestigasyon aron sa pagsuta kung si kinsa ang nihimo niini.
Contributed Photo
via Renante Lada