Cagayan de Oro: P6.1 million nga Provincial ECCD building pormal nga gitunol sa PGMO

Nagmalampuson ang Panggamhanang Probinsya sa Misamis Oriental sa pagpahigayon sa pagtunol, ribbon cutting ug blessing sa 2-storey building sa Provincial Early Childhood and Care Development (ECCD) Office niadtong Hunyo 27, 2022.

Visit RPN DXKO Cagayan de Oro

Ang blessing gipangulohan ni Rev. Fr. Juliano Retiquez, SSJV nga gitambongan sa mga Sanguniang Panlalawigan Board Members ug Misamis Oriental Department Heads Association (MODHA).

Mobalor sa ₱ 6,110,886.24 ang kinatibuk-an nga kantidad sa hiniusang gipundohan nga nasangpit nga building kon diin ang 1st floor niini gipundohan ni Sen. Joel Villanueva gikan sa General Appropriation Act nga balor ₱ 2.8 Million ug sa Special Education Funds sa Misamis Oriental nga gikan sa Local School Board sa pagpangulo ni Gobernador Bambi Emano ug DepEd MisOr Schools Division Superintendent nga si Dr. Jonathan S. Dela Peña nga balor ₱ 3 million kapin.

Gipaabot ni Provincial ECCD Head Ms. Maryden Ocot nga dako  iyang kalipay sa nakab-ot sa iyang buhatan aron mapadayon ang tumong ug tinguha nga mahatagan og pag-amuma ang kabatan-unan sa probinsya.

Dugang ni MS. Ocot nga bisan paman sa hagit sa pandemya, padayon nga nagaserbisyo ang ECCD sa probinsya ug nakasungkit pa kini ug ganti sa paghatag og matarong ug tinuoray nga serbisyo sa Misamisnon.

“Maskin paman sa hulga sa pandemya, we favorably continued the services of ECCD in the province of Misamis Oriental and gani, we are so much proud to say that because of the pandemic measures implemented by the leadership of Governor Bambi Emano, we were recently awarded as one of the Gawad Edukampyon for ECCD in the entire country.” sulti ni Ms. Ocot.

Ang bag-ong building sa ECCD dili lamang dugang sa istraktura nga kalampusan sa kanhi liderato ni Gobernador Bambi Emano apan makahatag pa kini og insaktong mga serbisyo sa kabatan-onang Misamisnon nga ma-amuma ug masiguro ang maayong pagdako.

Sa umalabot mas mahimong produktibo ug progresibo kining nasangpit nga buhatan sa pagpungko sa bag-ong Gobernador nga si Sr. Pedro Unabia.

(Source: Misamis Oriental Provincial Information Office Facebook page)