Subay sa opisyal nga pagbukas sa selebrasyon sa ika-32 nga Women’s Month ubos sa tema nga: “We Make Change Work for Women” pormal nga gitunol sa panggamhanan sa Misamis Oriental pinaagi sa buhatan sa Provincial Social Welfare and Development (PSWD) ang tseke balor Php 250,000.00 isip livelihood assistance ngadto sa Provincial Federation of Women’s Association (PROFEWA)- KALIPI.
Tumong sa maong tabang nga maabagan ang pinansyal nga panginahanglan sa asosasyon sa kababayen-an sa 23 ka munisipyo ug 2 ka siyudad sa ilang panginabuhian diin sila mapasalamaton sa ilang nadawat nga tag Php 10,000.00 pesos matag lungsod aron aktibong makiglambigit sa kalihokan nga maghatag kanila og dugang kinitaan.
Sa kanunay, halapad ang gipakita nga respeto ug panlantaw ni Gobernador Bambi Emano ngadto sa kababyen-an sa probinsya.
Gani, walay puas nga suporta ang gitanyag sa amahan sa lalawigan ngadto kanila agig pag-ila ug pagrespeto sa ilang tawhanong katungod.
(Source: PIO | Misamis Oriental Provincial Information Office Facebook page)
