Andam na ang katukoran sa city college ning syudad human migahin og P110 milyones nga pundo ang kagamhanan ning syudad aron masugdan na ang katumanan sa usa sa mga damgo ni Mayor Rolando “Klarex” Uy ug sa iyang administrasyon.
Matud ni Mayor Klarex ang maong pundo pasiuna pa lamang alang sa land development ug uban pang gikinahanglan aron kini masugdan.
Ang maong pundo aprobado na usab sa konseho pinaagi sa pagpaningkamot ni City Councilor Suzette Magtajas-Daba, kinsa mao usab ang chairperson sa Committee on Education sa 20th City Council.
Gipasabot usab ni Mayor Klarex nga tuyo sa iyang administrasyon nga didto gayud tukoron sa Brgy Dansolihon ang city college aron dili makig-kompetensya sa mga kolehiyo ug unibersidad sa dakbayan.
Subay niini, gipasalamatan ni Mayor Klarex si Konsehal Daba sa iyang paningkamot ug panglantaw alang sa kaugmaon sa mga bata ning syudad.
Lakip sa mga kursong itanyag sa Cagayan de Oro City College mao ang Bachelor of Science in Agriculture (BSA); Bachelor of Science in Information System (BSIS); Bachelor of Science in Entrepreneurship (BSE); Bachelor of Science in Environmental Science (BSES); Bachelor of Science in Sanitary Engineering (BSSE); Bachelor of Science in Industrial Security Management (BSISM); Agriculture, Fisheries and Forestry; Tourism, Hotel and Restaurant; Creative Industries; IT-BPO; Health, Wellness and Other Social Services; Ladderized Diploma Programs; Construction; Artificial Intelligence; Data Science Analytics; Cybersecurity ug Cloud Computing.
(News and phot courtesy of CIO CDO)