Cagayan de Oro: Online booking sa city memorial park services gihan-ay na

0
4

GIBANSAY sa City Memorial Park Board ang pipila ka mga barangay officials ug ilang representatives alang sa Online Booking on City Memorial Park services adlaw’ng Martes, Marso 14, 2023.

Matud ni Sol P. Mosqueda, focal person sa City Memorial Park project, nga tumong sa maong pagbansay ang paghatag og kahibalo sa mga personahe sa barangay aron usab makatabang ug makatudlo sila sa ilang komunidad nga nanginahanglan og serbisyo sa memorial park.

Gipasabot ni Mosqueda nga mahimo nang ipaagi sa katawhan ning syudad sa online booking ang ilang mga gikinahanglang serbisyo sa kanhi Bolonsiri cemetery sama sa schedule sa paglubong, pag-embalsamar, paghaya, cremation ug ang nanginahanglan og sakyanan sa ilang mga minahal sa kinabuhi nga mitaliwan.

Lakip sa mga kalihukan nga gipasiugda alang sa City Memorial Park ang panagtigom usab sa mga apektado ug nanimuyo sulod sa kanhi Bolonsiri cemetery alang sa implementasyon sa Social Development Plan nga nagtumong sa pagbag-o ug pagtabang kanila sa ilang panginabuhian.

News and photo courtesy of CDO CIO

Leave a Reply