25.3 C
Manila
Tuesday, February 27, 2024

Cagayan de Oro: MOPADC hingpit nang gipanag-iya sa panggamhanang probinsya

- Advertisement -

Hingpit nang napirmahan ang Grand Agreement ug Acceptance taliwala sa Panggamhanang Lokal sa  Misamis Oriental ug sa PMFTC Inc., Fortune Land Equities and Resources, Inc. (FLERI) ug Orecia Realty, Inc. (ORI) niadtong adlawng Huwebes, Marso 24, 2022 kon asa pormal nang gitugyan sa maong mga pribadong entidad ang katungod sa Panggamhanan nga maangkon ang 7.7 ektarya nga Misamis Oriental Provincial Agriculture Development Complex (MOPADC) nga kanhi PMFTC facility.

Visit RPN DXKO Cagayan de Oro

Kini gipahigayon sa Provincial Administrator’s Office diin gitambongan mismo sa amahan sa lalawigan, Gobernador Bambi Emano, PMFTC Inc. Local Regulatory Affairs-Mindanao Manager Atty. Cancio Nicanor Guibone Jr., PMFTC Inc. Regulatory Affairs Manager Atty. Alain B. Baguisi, SP Chairman on Committee on Agriculture and Food Security Hon. Frederick Y. Khu, Provincial Agriculturist Mr. Jose Apollo Pacamalan, ug uban pang mga dinapit nga bisita.

Kining maong pagpinirmaha nagpamatuod ug nagpasabot sa long-term nga partnership ug pagtinabangay sa nasangpit nga mga pribadong sektor ug sa Panggamhanang lokal padulong sa usa ka hiniusang tinguha nga matabangan nga mapalambo ang kinabuhi sa mga mag-uuma dili lang sa Claveria nga diin nahimutangan niini apan lakip na ang tibuok nga lalawigan.

Sa iyang mensahe, dili matukib ang kalipay ni Governor Emano nga gikan sa sinugdanan, bug-os ug tiunay ang pagsalig sa PMFTC ngadto kaniya ug sa walay pag-duha-duha nga pagtugyan sa ilang katigayonan ngadto sa panggamhanan ug karon naninguha ug nagpasalig kini nga ang maong investment mulambo pa og maayo sa umalabot.

“From the bottom of our hearts, I’d love to thank you and hopefully that with your prayers, making it the very, very near future, when our people’s lives improve that you can bring your Swiss, your Hong Kong residents, the investments that you gave Misamis Oriental, bloom and flourish,”sulti niini.

Kasamtangan ang maong pasilidad nga adunay kinatibuk-ang kantidad nga ₱ 441,266,949.00, nahimong estratehikong lugar alang sa dugang nga teknolohiyang pang-agrikultura, pagnuki-duki ug daghan pa gani gilaraw sab ni Gobernador Emano nga mahimo kining pasilidad sa Macapuno Embryo Culture, planta sa Integrated Coconut Processing, planta ug produksyon sa Coco Pallet, crop nurseries ug uban pang programang pang-agrikultura.

Pinaagi sa maong inisyatiba, daghang mga mag-uuma ang madugangan ang kinitaan, makabaton sa seguridad sa pagkaon ug pagpadayun sa pagpaubos sa rate sa malnutrisyon ug poverty nga moresulta ngadto sa mas progresibo nga dagan sa ekonomiya sa probinsya.

(Source: Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -