Gipasalamatan ug gidayeg sa City Anti-Drug Abuse Council (CADAC) nga gipangulohan ni Mayor Rolando `Klarex’ Uy ang tanang misalmot sa kasaulogan sa ‘International Day Against Drug Abuse and Illicit Trafficking’ (IDADAIT) 2023 dili pa lang dugay.
Partikular na niini ang mga Persons Who Use Drugs (PWUDs), uban sa ilang tagsa-tagsa ka mga pamilya, ilabina sa mga Community-Based Drug Rehabilitation Program (CBDRP) managers, ug mga barangay opisyal nga hugot nga nagsuporta sa maong programa.
Gibutyag ni Dr. Rhyselle Bernadette M. Descallar, division head sa Oro Citizen’s Wellness and Development Center (OCWD), nga maoy nagdumala sa maong programa nga sa Larong Pinoy ang CBDRP sa Barangay Balulang ang winner ug ang Barangay Mambuaya ang nakakuha sa ikaduhang dapit alang sa dancing ball nga dula.
Samtang sa Kulob Hayang Tsinelas nga dula, ang Barangay Lapasan ang winner ug second place ang Barangay FS Catanico.
Nagpakita usab sa ilang kahanas sa pagbugsay ang CBDRP Carmen atol sa Dragon Boat Exhibition nga maoy highlight sa maong kasaulogan ug isip pagpangandam sa Dragon Boat competition sa umaabot nga kasaulogan sa Drug Abuse Prevention and Control (DAPC).
Mitambong sa kalihokan sila si City Councilors Romeo Calizo, co-chair sa CADAC; Dr. Maria Lourdes Gaane, ug Atty. James Judith; Oliver Egypto, dep’t manager sa City Community Affairs Development Department (CCADD) diin nahisakop ang OCWDC, ug Cyril Ranile sa CCADD.
(News and photo courtesy of CIO CDO)